НЦПІ прыняў удзел у парламенцкіх слуханнях Парламенцкага збору Саюза Беларусі і Расіі

19–20 студзеня праходзілі парламенцкія слуханні Парламенцкага збору Саюза Беларусі і Расіі, прысвечаныя пытанням мадэльнай заканатворчасці ў Саюзнай дзяржаве.

19 студзеня ў рэжыме відэаканферэнцыі ў мерапрыемстве прыняў удзел начальнік упраўлення прававой інфарматызацыі НЦПІ Аляксандр Бравусаў. Ён выступіў з дакладам на тэму: «Аб некаторых пытаннях развіцця агульнай інфармацыйна-прававой прасторы Саюзнай дзяржавы».

У ходзе выступлення была звернута ўвага на пытанні пабудовы эфектыўнай сістэмы доступу да прававой інфармацыі дзяржаў-удзельніц, а таксама прававых актаў органаў Саюзнай дзяржавы. Адзначана, што фарміраванне агульнай інфармацыйна-прававой прасторы з'яўляецца неабходнай умовай забеспячэння працэсу мадэльнай заканатворчасці, гарантыяй забеспячэння дакладнай і актуальнай прававой інфармацыі аб развіцці прававой сістэмы Саюзнай дзяржавы і дзяржаў-удзельніц, якія ў яе ўваходзяць, усім зацікаўленым.

Таксама ўнесены прапановы па правядзенні комплексу навукова-даследчых, арганізацыйна-прававых і тэхналагічных мерапрыемстваў, накіраваных на развіццё агульнай інфармацыйна-прававой прасторы Саюзнай дзяржавы і распрацоўку адзіных прававых асноў па забеспячэнні даступнасці прававой інфармацыі дзяржаў-удзельніц Саюза.

Даклад выклікаў вялікі інтарэс сярод удзельнікаў парламенцкіх слуханняў.