0
Сёння, 26 лістапада, у Міжнародным універсітэце «МІПСА» адбылося ўрачыстае адкрыццё штогадовага конкурсу па міжнародным праве для студэнтаў і магістрантаў розных краін свету – XIV Міжнароднай юрыдычнай алімпіяды «Моладзь за мір».
У спаборніцтве прымаюць удзел студэнты-юрысты з Беларусі, Азербайджана, Кітая, Арменіі, Малдовы, Польшчы, Расіі, Румыніі, Украіны, Турцыі, Бразіліі. У якасці суддзяў выступаюць беларускія і замежныя эксперты-практыкі.
«Алімпіяда« Моладзь за мір» – гэта ўнікальны міжнародны адукацыйны праект. Яна справядліва лічыцца статуснай пляцоўкай для прафесійных, сяброўскіх і творчых зносін ўсіх яе ўдзельнікаў, – у прывітальным слове ўдзельнікам урачыстага адкрыцця падкрэсліў намеснік дырэктара Нацыянальнага цэнтра прававой інфармацыі Віктар Шаршун. – Упэўнены, што праца над такімі сур'ёзнымі заданнямі, якія трэба будзе вырашаць ўдзельнікам алімпіяды, узбагаціць будучых юрыстаў новымі ведамі і прынясе неацэнны вопыт прафесійных і сяброўскіх зносін».
НЦПІ і Міжнародны ўніверсітэт «МІПСА» звязвае шматгадовае плённае супрацоўніцтва ў галіне падрыхтоўкі юрыдычных кадраў, абмен спецыялістамі ў рамках адукацыйных і навуковых праграм у сферы прававой інфарматызацыі. З 2003 года на базе гэтага ўніверсітэта функцыянуе аддзяленне Кафедры ЮНЕСКА па інфармацыйных тэхналогіях і праву НЦПІ.
На працягу шэрагу гадоў НЦПІ выступае інфармацыйным партнёрам навукова-практычных канферэнцый, семінараў і студэнцкіх конкурсаў па прававой тэматыцы, якія праводзяцца ўніверсітэтам. Таксама студэнтам універсітэта прадастаўляецца магчымасць прайсці практыку ў НЦПІ, многія з іх папаўняюць шэрагі супрацоўнікаў гэтай арганізацыі.
Арганізатарам мерапрыемства выступае Міжнародны ўніверсітэт «МІПСА » пры актыўнай падтрымцы Федэрацыі прафсаюзаў Беларусі, дзяржаўных органаў Рэспублікі Беларусі і міжнародных арганізацый, а таксама акрэдытаваных у Рэспубліцы Беларусь дыпламатычных прадстаўніцтваў.
