24 ліпеня 2020 г. Нацыянальным цэнтрам прававой інфармацыі праведзены семінар на тэму: «Навацыі Працоўнага кодэкса Рэспублікі Беларусь. Актуальныя пытанні пенсійнага забеспячэння», у якім прынялі ўдзел кіраўнікі арганізацый розных форм уласнасці, а таксама спецыялісты кадравых і юрыдычных службаў.
У якасці лектараў названага мерапрыемства выступілі начальнік галоўнага юрыдычнага ўпраўлення Міністэрства працы і сацыяльнай абароны Валянціна Маслоўская і намеснік начальніка ўпраўлення арганізацыі пенсійнага забеспячэння названага Міністэрства Вольга Спірыдонава.
У ходзе мерапрыемства былі асветлены пытанні, якія датычацца змяненняў Працоўнага кодэкса Рэспублікі Беларусь (Закон Рэспублікі Беларусь ад 18 ліпеня 2019 г. № 219-З «Аб змяненні законаў»), практыкі прымянення заканадаўства аб працы, рэгулявання працы работнікаў, якія ажыццяўляюць дыстанцыйную работу, а таксама актуальныя пытанні пенсійнага забеспячэння.
Па выніках семінара кожнаму ўдзельніку выдадзены імянны сертыфікат, а таксама даведка аб навучанні дзяржаўнага ўзору.