• VK
  • odnoklassniki
  • Facebook
  • Twitter
  • Youtube
  • Telegram
  • viber

НЦПІ праведзены семінар па новых правілах палявання і паляўнічай гаспадаркі

НЦПІ праведзены семінар па новых правілах палявання і паляўнічай гаспадаркі

9 кастрычніка на YouTube-канале НЦПІ адбыўся адкрыты анлайн-семінар «Новыя правілы палявання і вядзення паляўнічай гаспадаркі: каментуюць эксперты».

Спікерамі мерапрыемства выступілі першы намеснік Міністра лясной гаспадаркі Валянцін Шатраўка, начальнік аддзела паляўнічай гаспадаркі гэтага ведамства Аляксандр Казарэз, начальнік упраўлення аналізу і кантролю за аховай і выкарыстаннем аб’ектаў жывёльнага і расліннага свету Дзяржаўнай інспекцыі аховы жывёльнага і расліннага свету пры Прэзідэнце Рэспублікі Беларусь Аляксандр Драгун, а таксама прадстаўнікі дзяржаўна-грамадскага аб’яднання «Беларускае таварыства паляўнічых і рыбаловаў» – яго старшыня Юрый Шумскі і начальнік упраўлення палявання і рыбалоўства Сяргей Цэбрук.

Падчас анлайн-трансляцыі былі разгледжаны навацыі Указа Прэзідэнта Рэспублікі Беларусь ад 16 верасня 2020 г. № 345, якім зацверджаны два самастойных прававых акта: Правілы палявання і Правілы вядзення паляўнічай гаспадаркі. У прыватнасці, павелічэнне тэрмінаў дзеяння дазволу на нашэнне і захоўванне паляўнічай зброі і палявання на некаторыя віды жывёл, а таксама даведкі аб стане здароўя, якая патрэбна для атрымання дазволу на нашэнне і захоўванне паляўнічай зброі; павелічэнне тэрмінаў палявання на некаторыя віды жывёл; спрашчэнне вядзення паляўнічага сабакаводства і інш.

Спікеры семінара расказалі аб пытаннях укаранення інстытута эксперыментальных паляўнічых гаспадарак з мэтай апрабацыі і наступнага ўкаранення ў практыку навукова-абгрунтаваных і інавацыйных метадаў вядзення паляўнічай гаспадаркі; перспектывах развіцця замежнага паляўнічага турызму на аснове стварэння вальерных гаспадарак; спрашчэння парадку афармлення дакументаў пры выяўленні загінуўшай дзікай жывёлы, у тым ліку ў ДТЗ; іншых новаўвядзеннях заканадаўства, якое рэгулюе вядзенне палявання і паляўнічай гаспадаркі, і інш.

Эксперты адказалі на пытанні грамадзян, якія паступілі на электронную пошту НЦПІ.

12 Октября 2020 Г.
Pravo.by
Эталон ONLINE
Правовой форум
Детский правовой сайт
Подняться наверх