1 верасня адзначаўся Дзень ведаў. Нацыянальны цэнтр прававой інфармацыі (НЦПІ) і яго рэгіянальныя прадстаўніцтвы прынялі ўдзел у розных акцыях і тэматычных мерапрыемствах, прысвечаных гэтаму святу.
Штогод у Дзень ведаў калектыў НЦПІ павіншаваў са святам дзяцей з падшэфных дзіцячых прытулкаў – ДУА Клецкага і Нясвіжскага раённых сацыяльна-педагагічных цэнтраў.
Для некаторых дзяцей школьны званок першакласніка празвінеў упершыню і напоўніў сэрцы радаснымі эмоцыямі!
Калектыў НЦПІ пажадаў навучэнцам моцнага здароўя, выдатнай вучобы і традыцыйна падарыў дзецям школьныя прыналежнасці, неабходныя адзенне, абутак і спартыўны інвентар.
Рэгіянальныя цэнтры прававой інфармацыі (РЦПІ) таксама правялі мерапрыемствы, прысвечаныя Дню ведаў.
1 верасня спецыялісты РЦПІ Брэсцкай вобласці наведалі некаторыя установы адукацыі г. Брэста і павіншавалі дзяцей з пачаткам навучальнага года. Дзецям і падлеткам расказалі аб новай версіі Дзіцячага прававога сайта і ўручылі памятныя сувеніры з сімволікай ДПС. Таксама супрацоўнікі цэнтра далучыліся да акцыі па бясплатнаму кансультаванню грамадзян, прымеркаванай да Дня ведаў і арганізаванай Брэсцкай абласной натарыяльнай палатай.
У першы дзень новага навучальнага года спецыялісты РЦПІ г. Мінска прынялі ўдзел у правядзенні тэматычнага ўрока права ў прававым класе сталічнай сярэдняй школы № 68. Удзельнікі мерапрыемства азнаёміліся з канцэпцыяй, задачамі і прынцыпамі работы Дзіцячага прававога сайта 2.0, у гульнявой форме абмеркавалі прававыя аспекты розных сфер грамадскага жыцця.
1 верасня работнікі РЦПІ Магілёўскай вобласці прынялі ўдзел у Бібліятэчнай лінейцы, якая прайшла на базе Цэнтральнай гарадской бібліятэкі імя К. Маркса.
Для дзяцей яны правялі прэзентацыю Дзіцячага прававога сайта як карыснага інструмента ў навучальным працэсе, павіншавалі з пачаткам новага навучальнага года, а таксама ўручылі сувеніры, падарункі і інфармацыйныя лістоўкі НЦПІ.