IV Беларускі форум работнікаў кадравай службы адбыўся 24 верасня ў бізнес-цэнтры «Вікторыя».
Ужо традыцыйна прадстаўнікі НЦПІ арганізавалі экспазіцыю і прэзентацыю дзяржаўных інфармацыйна-прававых рэсурсаў: прававых сістэм «ЭТАЛОН» і «ЭТАЛОН-ONLINE», Нацыянальнага прававога Інтэрнэт-партала, Прававога форуму Беларусі. Удзельнікам форуму прэзентаваны магчымасці і перавагі інфармацыйна-прававых сістэм, а таксама важнасць і карыснасць іх выкарыстання ў рабоце кожнага супрацоўніка кадравай службы. Усім зацікаўленым былі прадастаўлены сертыфікаты свабоднага доступу да сістэмы «ЭТАЛОН-ONLINE».
Сёлета дзелавая праграма форуму праходзіла дзвюма паралельнымі сесіямі: «Працоўныя адносіны» і «Кіраванне персаналам», у рамках якіх абмяркоўваліся навацыі заканадаўства, антыкрызісныя НR-меры: што рабіць з персаналам ва ўмовах крызісу, рынак працы ў Беларусі ў 2020 годзе, а таксама заработная плата 2020/2021. У ходзе абмеркавання таксама былі агучаны пытанні аб тым, як ажыццяўляць кантроль за «дыстанцыйнымі» работнікамі, аб нюансах прыцягнення іх да адказнасці і многае іншае.