29 снежня ва ўрачыстай абстаноўцы былі аб’яўлены вынікі конкурсу «Сіла ў камандзе» на лепшую пярвічную арганізацыю ГА «БРСМ» Маскоўскага раёна г. Мінска: пярвічка НЦПІ стала пераможцам сярод аб’яднанняў працоўнай моладзі.
Дыплом сакратару Таццяне Навумавай уручыў першы сакратар раённага камітэта Павел Лапацінскі. Ён павіншаваў БРСМ НЦПІ з паспяховым стартам і пажадаў далейшай рэалізацыі творчых задум і заваявання новых вышынь.
«Дзякую ўсім сябрам нашага фарміравання, што прымалі актыўны ўдзел у моладзевых праектах. Перамога ў конкурсе – важны стымул для рэалізацыі новых ідэй, – сказала Таццяна Навумава. – Гэты год даказаў, што нам па сілах вырашаць сур’ёзныя задачы. Няхай Новы 2023 прынясе яркія ўражанні і апраўдае ўсе чаканні».
Віншуем моладзевы саюз Цэнтра з перамогай і жадаем далейшага развіцця!