28 снежня 2022 г. першы намеснік дырэктара НЦПІ Вячаслаў Абрамаў прыняў удзел у выніковым пасяджэнні Беларускай натарыяльнай палаты.
Адным з першых пунктаў парадку дня значыўся прыём у чальцы БНП новага натарыуса – Ірыны Рубанавай, якая будзе працаваць у Брэсцкай натарыяльнай акрузе.
Па традыцыі Вячаслаў Абрамаў уручыў новаму натарыусу сертыфікат на права доступу да інфармацыйна-пошукавай сістэмы «ЭТАЛОН-ONLINE» і пажадаў поспехаў і новых дасягненняў у няпростай, але важнай працы.
НЦПІ і БНП звязвае шматгадовае супрацоўніцтва, дзякуючы якому натарыусы могуць атрымліваць актуальную прававую інфармацыю з першакрыніцы, што дае магчымасць эфектыўна аказваць паслугі насельніцтву і вырашаць прафесійныя задачы.
Акрамя таго, у ходзе пасяджэння калегіі абмеркавана ўзаемадзеянне БНП і НЦПІ ў 2022 годзе і намечаны перспектывы супрацоўніцтва на 2023 год.