0
Нацыянальным цэнтрам прававой інфармацыі Рэспублікі Беларусь выпушчана абноўленае друкаванае выданне «Уголовный кодекс Республики Беларусь».
Выданне выпушчана па стане на 9 верасня 2021 г. і змяшчае змяненні, прынятыя згодна Закону Рэспублікі Беларусь ад 26 мая 2021 г. № 112-З.
У прыватнасці, змяненнямі прадугледжаны больш дыферэнцыраваны падыход да прызначэння штрафу (у залежнасці ад канкрэтных абставін здзейсненага злачынства і асобы злачынцы), а таксама магчымасць яго растэрміноўкі.
Уведзены інстытут замены пакарання, не звязанага з ізаляцыяй ад грамадства, болей строгім у выпадку, калі асуджаны ўхіляецца ад яго адбывання. Адпаведнае рашэнне будзе прымаць суд.
Удасканалены меры адказнасці за іншыя злачынныя дзеянні. Так, у прыватнасці, з улікам сучасных тэндэнцый у сферы інфарматызацыі і аналізу правапрымяняльнай практыкі выкладзена ў новай рэдакцыі глава 31 КК «Преступления против компьютерной безопасности». Істотна ўзмацняецца адказнасць за ўхіленне ад выплаты падаткаў.
Асноўныя палажэнні закона ўваходзяць у сілу з 9 верасня 2021 г..
Кніга прадстаўлена ў цвёрдым пераплёце, забяспечана алфавітна-прадметным паказальнікам.
Аб’ём – 304 стар.
Цана аднаго экземпляра складае 9,90 рубля.
Набыць гэта выданне можна:
Даведкі па тэлефонах: (017) 279-99-99, (017) 279-99-34.
E-mail: sales@ncpi.gov.by.
