7–8 кастрычніка 2020 г. у рамках ХХI спартакіяды работнікаў цэнтральных апаратаў рэспубліканскіх органаў дзяржаўнага кіравання каманда Цэнтра ў складзе Дзмітрыя Марозава і Вольгі Багдановіч прыняла ўдзел у спаборніцтвах па настольным тэнісе.
Дзякуючы праяўленаму індывідуальнаму майстэрству Дзмітрый Марозаў заняў другое месца ў асабістым заліку сярод мужчын, а Вольга Багдановіч – першае месца ў асабістым заліку сярод жанчын. У парных спаборніцтвах нашы ўдзельнікі паказалі зладжаную камандную гульню і занялі высокае другое месца. У выніку каманда НЦПІ, ва ўпартай барацьбе саступіўшы камандзе Міністэрства культуры Рэспублікі Беларусь, заняла другое агульнакаманднае месца. На трэцяй прыступцы п’едэстала размясцілася каманда Міністэрства энергетыкі Рэспублікі Беларусь.
Віншуем спартсменаў НЦПІ з годным выступленнем і жадаем далейшых перамог!