15 сакавіка наша краіна адзначыла Дзень Канстытуцыі. Напярэдадні гэтай падзеі і ў само дзяржаўнае свята НЦПІ і яго філіялы прынялі ўдзел у арганізацыі і правядзенні тэматычных акцый, віктарын, конкурсаў, іншых мерапрыемстваў для непаўналетніх грамадзян нашай дзяржавы.
Усебеларуская акцыя «Мы – грамадзяне Беларусі» з удзелам рэгіянальных цэнтраў прававой інфармацыі прайшла ва ўсіх абласцях рэспублікі і г. Мінску. Юнакі і дзяўчаты, якія праявілі сябе да 14-ці гадоў у розных сферах жыцця, атрымалі з рук ганаровых гасцей пашпарты, канстытуцыі і падарункі ад НЦПІ.
З удзелам Нацыянальнага цэнтра прававой інфармацыі прайшлі пазнавальныя, навучальныя і інфармацыйныя мерапрыемствы прававой тэматыкі, аб'яднаныя тэмай дзяржаўнага свята.
12 сакавіка пры ўдзеле РЦПІ Мінскай вобласці ў Новапалескім вучэбна-педагагічным комплексе Салігорскага раёна адбылася дыялогавая пляцоўка «Канстытуцыя – гарант беларускай дзяржаўнасці», дзе яе ўдзельнікі абмяняліся думкамі і выказалі сваю пазіцыю па актуальных пытаннях грамадска-палітычнага жыцця краіны. А 13 сакавіка ў г. Любань прайшла інтэлектуальная гульня «Грамадзянінам быць абавязаны».
РЦПІ Брэсцкай вобласці стаў суарганізатарам прававой гульні «QUIZ – Канстытуцыя» і прыняў непасрэдны ўдзел у яго завяршальным абласным этапе 5 сакавіка.
Пры падтрымцы РЦПІ Магілёўскай вобласці з 9 па 12 сакавіка адбыўся конкурс малюнкаў, прысвечаных грамадзянскасці і патрыятызму, у цэнтры творчасці «Эверэст» для вучняў 6-8 класаў.
Таксама на Магілеўшчыне 12 сакавіка праведзены прававы квэст для студэнтаў 1 курса Магілёўскага інстытута МУС Рэспублікі Беларусь, 15 сакавіка – навучальны семінар па рабоце з дзяржаўнымі інфармацыйна-прававымі рэсурсамі для студэнтаў I курса Магілёўскага філіяла БІП-Універсітэт права і сацыяльна-інфармацыйных тэхналогій, а 16 сакавіка – віктарына для шасцікласнікаў на базе цэнтральнай гарадской бібліятэкі імя Карла Маркса.
РЦПІ Віцебскай вобласці 12 сакавіка арганізаваў пазнавальна-гульнявое мерапрыемства «Вывучаем Канстытуцыю з Дзіцячым прававым сайтам» у сярэдняй школе № 2 г. Віцебска.
Таксама ў Віцебскім дзяржаўным універсітэце імя П.М.Машэрава для студэнтаў юрыдычнага факультэта адбыўся брэйн-рынг, прысвечаны Дню Канстытуцыі Рэспублікі Беларусь. Акрамя таго, падведзены вынікі тэматычнай святочнай віктарыны, арганізаванай юрыдычнай клінікай «Лабараторыя прававога інфармавання» сумесна з РЦПІ Віцебскай вобласці ў Instagram-акаўнце юрыдычнага факультэта.
15 сакавіка супрацоўнікі РЦПІ Гомельскай вобласці пагутарылі са школьнікамі пра Канстытуцыю ў публічным цэнтры прававой інфармацыі пры дзіцячай бібліятэцы-філіяле № 16 г. Гомеля.
Дадаткова да гэтых мерапрыемстваў у эфіры Брэсцкага, Гомельскага і Віцебскага радыё прайшла прававая віктарына на веданне Асноўнага закона краіны з розыгрышам падарачных сувеніраў НЦПІ.
У ходзе праведзеных мерапрыемстваў былі прэзентаваны дзяржаўныя інфармацыйна-прававыя рэсурсы, уручаны выданні Канстытуцыі і падарункі.
З Днём Канстытуцыі павіншаваў НЦПІ удзельнікаў змены нацыянальнага дзіцячага адукацыйна-аздараўленчага цэнтра «Зубраня» ў ZOOM-фармаце. Рабяты паўдзельнічалі ў прававой віктарыне і даведаліся аб карыснай інфармацыі, якая змяшчаецца на Дзіцячым прававым сайце.
(фота – РЦПІ, БРСМ, НДЦ «Зубраня»)