Удзел у пастаянна дзеючым семінары пры Парламенцкім Сходзе Саюза Беларусі і Расіі па пытаннях будаўніцтва Саюзнай дзяржавы на тэму: «20-годдзе будаўніцтва Саюзнай дзяржавы. Роля рэгіянальных СМІ ў фарміраванні агульнай інфармацыйнай прасторы Саюзнай дзяржавы» прынялі намеснік дырэктара Нацыянальнага цэнтра прававой інфармацыі Мікалай Радзівановіч і начальнік упраўлення інтэрнэт-рэсурсаў Андрэй Гвардзіян.
Мерапрыемства адбылося 30–31 мая 2019 года ў Растове-на-Доне. У ім паўдзельнічалі прадстаўнікі Парламенцкага Сходу Саюзнай дзяржавы, Дзяржаўнай Думы Расійскай Федэрацыі, Палаты прадстаўнікоў Нацыянальнага сходу Рэспублікі Беларусь, грамадскіх аб’яднанняў Беларусі і Расіі, абласных выканаўчых камітэтаў Рэспублікі Беларусь, беларускіх і расійскіх ВНУ, кіраўнікі і журналісты сродкаў масавай інфармацыі і г.д.
Намеснік дырэктара НЦПІ Мікалай Радзівановіч выступіў з дакладам па тэме: «Нацыянальны прававы Інтэрнэт-партал Рэспублікі Беларусь як электронны сродак масавай інфармацыі прававой тэматыкі», начальнік упраўлення інтэрнэт-рэсурсаў Андрэй Гвардзіян прадставіў даклад «Анлайн-СМІ як інструмент прававога выхавання дзяцей і падлеткаў».
Дэлегацыя НЦПІ прыняла ўдзел у абмеркаванні з удзельнікамі семінара пытанняў фарміравання агульнай інфармацыйна-прававой прасторы Саюзнай дзяржавы, паведаміла пра досвед Рэспублікі Беларусь па стварэнні і развіццю дзяржаўнай сістэмы прававой інфармацыі, фарміраванні, выкарыстанні і развіццю дзяржаўных інфармацыйна-прававых СМІ.
Па выніках семінара будзе выдадзены зборнік дакладаў яго ўдзельнікаў.