0
16 лютага ў рамках курсаў павышэння кваліфікацыі кіраўнікоў органаў мясцовага кіравання РЦПІ Брэсцкай вобласці праведзены навучальны семінар па рабоце з дзяржаўнымі інфармацыйна-прававымі рэсурсамі.
Удзел у семінары на базе Брэсцкага аблвыканкама прынялі начальнікі ўпраўленняў і аддзелаў па землеўпарадкаванні гаррайвыканкамаў вобласці.
У ходзе сустрэчы спецыялісты РЦПІ расказалі ўдзельнікам аб напрамках дзейнасці Цэнтра і інфармацыйна-прававых рэсурсах у сетцы Інтэрнэт, што фарміруюцца НЦПІ: Нацыянальным прававым Інтэрнэт-партале, Прававым форуме Беларусі і ІПС «ЭТАЛОН-ONLINE». Таксама ўдзельнікі мерапрыемства азнаёміліся з навінкамі друкаваных выданняў НЦПІ.
Прадэманстраваны асноўныя магчымасці работы з сістэмамі «ЭТАЛОН» і «ЭТАЛОН-ONLINE», у тым ліку ўключанымі ў іх склад тэматычнымі банкамі даных «Нарматворчасць», «Адміністрацыйныя працэдуры» і іншымі карыснымі сэрвісамі.
Па выніках семінара ўдзельнікам уручылі сертыфікаты аб праходжанні навучання навыкам працы з ІПС «ЭТАЛОН» і іншымі дзяржаўнымі інфармацыйна-прававымі рэсурсамі.
