19 жніўня ў НЦПІ адбылося інфармацыйнае мерапрыемства з удзелам намесніка Міністра эканомікі Рэспублікі Беларусь Дзмітрыем Ярашэвічам.
Дзмітрый Віктаравіч расказаў аб ключавых дасягненнях Рэспублікі Беларусь, стане эканомікі і рашэннях, якія прымаюцца для яе стабілізацыі.
Вялiкую цікавасць у работнікаў Цэнтра выклікаў расказ аб прадукцыі беларускай прамысловасці, перавагай якой з'яўляецца якасць, даступны кошт і суправаджэнне падчас эксплуатацыі. Намеснік Міністра таксама праінфармаваў аб стварэнні ў краіне інавацыйна-прамысловага кластара «Электратранспарт» – структуры, якая аб'ядноўвае беларускія арганізацыі і прадпрыемствы, што кансалідуе фінансавыя і інтэлектуальныя рэсурсы для больш хуткага стварэння канкурэнтаздольнай тэхнікі з электрычным прывадам і ўсебаковага развіцця кампанентнай базы.
Пры гэтым Дзмітрый Ярашэвіч падкрэсліў, што сёння эканоміка знаходзіцца ў збалансаваным, устойлівым стане.
«Сёння для нас прыярытэтам з'яўляецца не проста стабільная праца прадпрыемстваў, а максімальна арыентаваная на экспарт, не на склад. У такім выпадку вытворцы змогуць атрымаць капітал для далейшага развіцця, а людзі – годны заробак», – адзначыў Дзмітрый Віктаравіч.
Сустрэча праходзіла ў фармаце адкрытага дыялога. Работнікі НЦПІ задавалі пытанні, звязаныя як з глабальнымі трэндамі эканамічнага развіцця нашай краіны, пераарыентацыяй рынкаў збыту, рэалізацыяй стратэгіі імпартазамяшчэння, так і індывідуальныя. Напрыклад, як больш эфектыўна распарадзіцца асабістымі зберажэннямі, і калі знізяцца стаўкі працэнтаў у рамках жыллёвага крэдытавання.
Намеснік Міністра адказаў на пытанні з улікам прафесійнага багажу ведаў і асабістага вопыту.