25 мая на YouTube-канале НЦПІ адбылася адкрытая трансляцыя семінара «Электронны дакументазварот у Bidmart EDI. Праца з электроннымі накладнымі ў асабістым кабінеце Bidmart EDI».
Гэта пяты семінар у цыкле практыка-арыентаваных семінараў па рабоце ў інфармацыйных сістэмах электроннага дакументаабароту EDI-правайдэраў па стварэнні, перадачы і атрыманні электронных накладных, правядзенне якіх на пляцоўцы НЦПІ запланавана сумесна з Міністэрствам па падатках і зборах.
У якасці спікераў выступілі Вячаслаў Майкоўскі, намеснік начальніка галоўнага ўпраўлення – начальнік упраўлення электронных сістэм кантролю галоўнага ўпраўлення кантролю рэалізацыі тавараў і паслуг Міністэрства па падатках і зборах, прадстаўнікі EDI-правайдэра ТАА «Бідмартс»: Аляксандр Бандарчык, намеснік дырэктара, і Аляўціна Герасімчык, начальнік сектара падтрымкі кліентаў EDI.
Госці студыі НЦПІ пазнаёмілі гледачоў:
• з сэрвісам Bidmart EDI для працы з электроннымі накладнымі (ЭТТН/ЭТН);
• з асаблівасцямі працы ў асабістым кабінеце Bidmart EDI і адлюстравання ў эТТН/ЭТН тавараў, якія прасочваюцца і падлягаюць маркіроўцы.
Падчас прамога эфіру спікеры таксама адказалі на пытанні карыстальнікаў.
Калі вы не паспелі паглядзець семінар у прамым эфіры, глядзіце яго ў запісе тут.
Падпісвайцеся на YouTube-канал НЦПІ і глядзіце семінары аб навацыях заканадаўства!
Даведачна
У адпаведнасці з указамі Кіраўніка дзяржавы ад 29 снежня 2020 г. нумар 496 «О прослеживаемости товаров» и ад 6 студзеня 2021 г. № 9 «Об изменении указов Президента Республики Беларусь» у Рэспубліцы Беларусь функцыянуюць механізмы нагляду і маркіроўкі тавараў.
Адным з патрабаванняў гэтых механізмаў з'яўляецца абавязковае выкарыстанне суб'ектамі гаспадарання электронных таварных і таварна-транспартных накладных (электронныя накладныя).