3–4 кастрычніка адбылася спартакіяда, прымеркаваная да Дня стварэння Нацыянальнага цэнтра прававой інфармацыі

У першыя выходныя кастрычніка на базе дзяржаўнай установы дадатковай адукацыі дарослых «Рэспубліканскі цэнтр павышэння кваліфікацыі кіруючых работнікаў і спецыялістаў лясной гаспадаркі» прайшла выязная спартакіяда, прысвечаная Дню стварэння Цэнтра, у якой прынялі ўдзел работнікі НЦПІ і рэгіянальных цэнтраў прававой інфармацыі.

Супрацоўнікі спаборнічалі ў такіх відах спорту, як валейбол, більярд, настольны тэніс, баскетбол (кідкі па кольцы), дартс, перацягванне канату, скачкі ў мяшках.

Спаборніцтвы прайшлі ва ўпартай барацьбе, па выніках якой пераможцы ўзнагароджаны дыпломамі і прызамі. Усе ўдзельнікі атрымалі зарад бадзёрасці, энергіі і добрага настрою.

Віншуем супрацоўнікаў НЦПІ са святам і жадаем далейшых перамог!