24 сакавіка 2017 г. Нацыянальным цэнтрам прававой інфармацыі Рэспублікі Беларусь адкрыты цэнтр эталоннай прававой інфармацыі (Цэнтр) на базе Кыргызска-Расійскага Славянскага ўніверсітэта імя першага Прэзідэнта Расіі Б.М.Ельцына.
Афіцыйная цырымонія падпісання дакументаў аб стварэнні Цэнтра адбылася ў Пасольстве Рэспублікі Беларусь у Кыргызскай Рэспубліцы, на якой Надзвычайны і Паўнамоцны Пасол Рэспублікі Беларусь у Кыргызскай Рэспубліцы Дзенісенка В.А. і Рэктар Кыргызска-Расійскага Славянскага ўніверсітэта Ніфадзьеў У.І. абмяняліся падпісанымі асобнікамі адпаведных дакументаў.
Цяпер прафесарска-выкладчыцкі састаў названага ўніверсітэта, беларуская дыяспара ў Кыргызстане, прадстаўнікі бізнесу, якія ўжо маюць або плануюць усталяваць партнёрскія адносіны з камерцыйнымі арганізацыямі – рэзідэнтамі Рэспублікі Беларусь, а таксама грамадзяне Кыргызстана, наведаўшы Цэнтр, змогуць атрымаць свабодны доступ да поўнага, актуальнага, пэўнага заканадаўства Рэспублікі Беларусь у любой сферы з дапамогай прававой базы «ЭТАЛОН-ONLІNE».