За мяжой адкрыўся 16-ы цэнтр доступу да беларускага заканадаўства

26–27 студзеня 2017 г. адбыўся афіцыйны візіт дэлегацыі Нацыянальнага цэнтра прававой інфармацыі Рэспублікі Беларусь на чале з намеснікам дырэктара Вячаславам Бякетам у г. Астану (Казахстан).

Падчас візіту адбылося адкрыццё цэнтра эталоннай прававой інфармацыі (Цэнтр) на базе Еўразійскага нацыянальнага ўніверсітэта імя Л.М.Гумілёва.

Намеснік дырэктара Нацыянальнага цэнтра прававой інфармацыі Рэспублікі Беларусь Вячаслаў Бякета і рэктар Еўразійскага нацыянальнага ўніверсітэта імя Л.М.Гумілёва Ярлан Сыдыкаў ва ўрачыстай абстаноўцы падпісалі пагадненне аб адкрыцці Цэнтра і абмеркавалі перспектывы яго далейшага развіцця. Такім чынам, закладзена прававая аснова, неабходная для развіцця беларуска-казахстанскага супрацоўніцтва ў галіне інфармацыйна-асветніцкай, навуковай, навучальнай і выхаваўчай дзейнасці.

У цырымоніі адкрыцця Цэнтра ўзялі ўдзел Надзвычайны і Паўнамоцны Пасол Рэспублікі Беларусь у Рэспубліцы Казахстан Анатоль Нічкасаў, прадстаўнікі навуковай супольнасці, а таксама такіх дзяржаўных арганізацый і бізнес-колаў Казахстана, як РДП «Рэспубліканскі цэнтр прававой інфармацыі» Міністэрства юстыцыі Рэспублікі Казахстан, ТАА «Кампанія ЮрИнфо» і іншыя.