На XІІІ Нацыянальным конкурсе друкаваных сродкаў масавай інфармацыі «Залатая Літара» узнагароджаны навукова-практычны часопіс «Право.by».
Цырымонія ўзнагароджання пераможцаў конкурсу адбылася ў Дзень друку – 5 мая. Прызамі і дыпломамі былі адзначаны рэспубліканскія, рэгіянальныя і галіновыя выданні.
Так, у намінацыі «Лепшыя матэрыялы навукова-папулярнай тэматыкі» узнагароджаны навукова-практычны часопіс «Право.by», які выдаецца Нацыянальным цэнтрам прававой інфармацыі Рэспублікі Беларусь (НЦПІ).
«Право.by» – гэта політэматычнае рэцэнзаванае перыядычнае друкаванае выданне, што ахоплівае шырокі спектр актуальных тэарэтычных і практычных пытанняў юрыспрудэнцыі, прававой інфарматызацыі, інфармацыйнага грамадства, нацыянальнай бяспекі.