21–22 лістапада 2002 г. НЦПІ і Адміністрацыя Прэзідэнта Рэспублікі Беларусь пры арганізацыйным садзейнічанні Міністэрства юстыцыі Рэспублікі Беларусь, Нацыянальнай акадэміі навук Беларусі, Выканаўчага камітэта СНД правялі Міжнародную навукова-практычную канферэнцыю «Сучасныя камп’ютарныя тэхналогіі ў сістэмах прававой інфармацыі (Прававая інфарматызацыя–2002)». У працы канферэнцыі ўзялі ўдзел вядомыя навукоўцы і практыкі з 4 краін Садружнасці Незалежных Дзяржаў, а таксама Венгрыі, Літвы і Кітая, Пастаяннага Камітэта Саюзнай дзяржавы, эксперты Праграмы ТАСІS і Глабальнай ініцыятывы па палітыцы Інтэрнэт (GІPІ). Падчас правядзення канферэнцыі працавала выстава «Прававыя інфармацыйныя тэхналогіі–2002».