У 1998 годзе:
-
Надрукаваны тэматычны зборнік нарматыўна-прававых актаў «Падаткі–98».
-
Распрацаваны і ўведзены ў эксплуатацыю банк даных распараджэнняў Прэзідэнта Рэспублікі Беларусь і Кіраўніка Адміністрацыі Прэзідэнта Рэспублікі Беларусь.
-
Выйшаў у свет першы падрыхтаваны Цэнтрам Зборнік дзейных нарматыўных актаў Прэзідэнта Рэспублікі Беларусь (1994–1997), які ў адпаведнасці з Указам Прэзідэнта Рэспублікі Беларусь ад 13 сакавіка 1998 г. № 106 з’яўляецца афіцыйным выданнем актаў Прэзідэнта Рэспублікі Беларусь.
-
Апублікавана першае падрыхтаванае Цэнтрам афіцыйнае выданне кодэкса – Мытны кодэкс Рэспублікі Беларусь.
-
Распрацавана новая версія праграмнага забеспячэння для працы з ЭБДПІ ў асяроддзі Wіndows – «Эталон-Wіn-2».
-
Распрацавана інтэграваная аўтаматызаваная сістэма кіраўніцтва органамі, установамі юстыцыі і судоў Рэспублікі Беларусь на ўзроўні цэнтральнага апарату Міністэрства юстыцыі Рэспублікі Беларусь.
-
На аснове адпрацаванай у НЦПІ тэхналогіі фарміравання і вядзення ЭБДПІ створана 5 розных баз даных прававой інфармацыі.
-
У сферы навукова-метадалагічнага забеспячэння стварэння дзяржаўнай сістэмы прававой інфармацыі распрацаваны:
-
Канцэпцыя прававой інфарматызацыі Рэспублікі Беларусь;
-
Канцэпцыя стварэння і развіцця дзяржаўнай аўтаматызаванай сістэмы прававой інфармацыі Рэспублікі Беларусь;
-
Канцэпцыя аўтаматызацыі судовай сістэмы Рэспублікі Беларусь;
-
Праект Адзінага прававога класіфікатара Рэспублікі Беларусь, іншыя слоўнікі і класіфікатары.
Па стане на 31 снежня 1998 г. у ЭБДПІ змяшчалася ўжо больш за 22 тысячы дакументаў, у тым ліку ўсе дзейныя нарматыўныя прававыя акты, выдадзеныя (прынятыя) Прэзідэнтам Рэспублікі Беларусь, органамі заканадаўчай, выканаўчай і судовай улады пачынаючы з 1975 года, уключаючы ўсе кодэксы Рэспублікі Беларусь у дзейнай рэдакцыі.
За 1998 год колькасць карыстальнікаў ЭБДПІ павялічылася больш чым на 80 %.
