10.04.2012

Наконт прававых актаў

Издание : Мiёрскiя навiны
Автор статьи : Алег Краўцоў

24 лютага падпісаны Дэкрэт №3 «Аб некаторых пытаннях апублікавання і ўступлення ў сілу прававых актаў Рэспублікі Беларусь» і Указ №106 «Аб унясенні дапаўненняў і змяненняў у некаторыя ўказы Прэзідэнта Рэспублікі Беларусь», якія ўступяць у сілу 1 ліпеня 2012 года.

У адпаведнасці з Дэкрэтам афіцыйным апублікаваннем прававых актаў, якія ўключаюцца ў Нацыянальны рэестр, з’яўляецца давядзенне гэтых прававых актаў да ўсеагульнага ведама шляхам размяшчэння іх тэкстаў на Нацыянальным прававым інтэрнэт-партале Рэспублікі Беларусь (www.pravo.by). Датай афіцыйнага апублікавання будзе лічыцца дата яго размяшчэння на партале, які становіцца адзінай крыніцай афіцыйнага апублікавання прававых актаў.

Прававыя акты будуць публікавацца ў зборніку «Нацыянальны рэестр прававых актаў Рэспублікі Беларусь», выпуск якога ўскладзены на Нацыянальны цэнтр прававой інфармацыі. Прававыя акты таксама будуць абнародавацца ў афіцыйных перыядычных выданнях — газетах «Советская Белоруссия», «Звязда», «Народная газета», «Рэспубліка» і выданнях, якія вызначаюць мясцовыя Саветы дэпутатаў, выканаўчыя і распарадчыя органы. Але такое апублікаванне будзе з’яўляцца неафіцыйным.

Таксама вызначаецца парадак афіцыйнага апублікавання прававых актаў мясцовых Саветаў дэпутатаў, выканаўчых і распарадчых органаў пярвічнага тэрытарыяльнага ўзроўню. Яно будзе ажыццяўляцца шляхам узнаўлення тэкстаў прававых актаў у афіцыйных перыядычных друкаваных выданнях, вызначаемых у адпаведнасці з заканадаўствам, на афіцыйных сайтах гэтых дзяржаўных органаў або на адпаведных старонках афіцыйных сайтаў вышэйстаячых дзяржаўных органаў.

У развіццё палажэнняў Дэкрэта, Указам афіцыйнае апублікаванне прававых актаў на партале ўскладваецца на Нацыянальны цэнтр прававой інфармацыі РБ. Падрыхтаваныя ў зручным для карыстальніка фармаце тэксты штодзённа будуць размяшчацца на партале, што дазволіць забяспечыць да іх свабодны кругласутачны доступ.

Вынік такой навацыі відавочны — аператыўнасць, даступнасць. Мы імкнёмся ў электронную будучыню. Чарговы крок зроблены.

Алег КРАЎЦОЎ,
дырэктар Нацыянальнага цэнтра прававой інфармацыі Рэспублікі Беларусь
.


Вернуться в список статей


На главнуюКарта сайтаКонтактыEnglish
 Поиск по сайту 
   
 Быстрый переход 

Кинофильм о НЦПИ

Подписка на Национальный реестр правовых актов

Национальный правовой Интернет-портал Республики Беларусь

Правовой форум Беларуси

Детский правовой сайт

Журнал Право.by

Подписка на журнал Правобай

НЦПИ вTwitter

Видеоканал НЦПИ на YouTube

Страница Pravo,by ВКонтакте

Pravo.by in Facebook

Страница Pravo.by в Одноклассниках

Многоязычный словарь юридических терминов

РЦПИ Минской области

Интернет-магазин изданий правовой тематики

Акция 3+2 на 2017 год

Акция «Профи» для всех юристов и всех студентов!

Акция «Больше права» возвращается!

ИПС «ЭТАЛОН-СТАНДАРТ»



 Наши счетчики 



© Национальный центр правовой информации Республики Беларусь, 1998-2018
Адрес: Республика Беларусь, 220030, г. Минск, ул. Берсона, 1а.
тел. факс 375-17-2799909; e-mail: sales@ncpi.gov.by
Дизайн сайта основан на разработке
Pixelhead