13.01.2009

Функцыi Нацыянальнага цэнтра прававой iнфармацыi пашыраны

Издание : Звязда
Номер : № 4, 13.01.2009
Автор статьи : Прэс-служба Прэзiдэнта Рэспублiкi Беларусь

Гэта прадугледжана ўказам № 11, якiм унесены змяненнi i дапаўненнi ў некаторыя ўказы Прэзiдэнта Рэспублiкi Беларусь. Дакумент падпiсаны кiраўнiком дзяржавы 8 студзеня.

Указ накiраваны на далейшае развiццё дзяржаўнай сiстэмы прававой iнфармацыi з улiкам узрастання ролi сучасных iнфармацыйных тэхналогiй у галiне права. У сувязi з гэтым ён прадугледжвае пашырэнне задач i функцый Нацыянальнага цэнтра прававой iнфармацыi (НЦПІ), а таксама ўдасканаленне арганiзацыi яго дзейнасцi", — растлумачылi ў прэс-службе Прэзiдэнта.

Так, да асноўных задач НЦПI указам аднесены ўдзел у развiццi i ўдасканаленнi юрыдычнай тэрмiналогii на рускай i беларускай мовах, яе перакладзе на замежныя мовы i выкананне работ па вядзеннi i суправаджэннi шматмоўнага слоўнiка юрыдычных тэрмiнаў.

З 23 жнiўня 2008 года ў сетцы інтэрнэт функцыянуе распрацаваны па iнiцыятыве Адмiнiстрацыi Прэзiдэнта Беларусi iнтэрнэт-рэсурс для дзяцей i падлеткаў па прававой тэматыцы — Дзiцячы прававы сайт. Галоўная яго мэта — прадастаўленне дзецям i падлеткам неабходных ведаў аб правамерных паводзiнах з дапамогай iнтэрактыўных сродкаў. З улiкам гэтага да функцый НЦПI аднесена выкананне работ па фармiраваннi, вядзеннi i забеспячэннi функцыянавання iнфармацыйна-прававых рэсурсаў сеткi iнтэрнэт, якiя ствараюцца НЦПI.

З мэтай вызначэння прававога статусу шматмоўнага слоўнiка юрыдычных тэрмiнаў, а таксама каардынацыi дзейнасцi па вядзенні Нацыянальнага прававога iнтэрнэт-партала, Дзiцячага прававога сайта i iншых iнфармацыйна-прававых рэсурсаў сеткi iнтэрнэт Прававы кансультатыўны савет пры Прэзiдэнце Рэспублiкi Беларусь надзяляецца новымi функцыямi па выпрацоўцы адпаведных рэкамендацый па пытаннях прымянення юрыдычных тэрмiнаў на рускай i беларускай мовах i iх перакладу на замежныя мовы, а таксама па ўдасканаленнi i iнфармацыйным напаўненнi вышэйназваных партала i сайта.

НЦПI створаны 1 кастрычнiка 1997 года ў адпаведнасцi з указам Прэзiдэнта ад 30 чэрвеня 1997 года № 338 "Аб стварэннi Нацыянальнага цэнтра прававой iнфармацыi Рэспублiкi Беларусь" шляхам выдзялення з сiстэмы Мiнiстэрства юстыцыi Беларусi i рэарганiзацыi Рэспублiканскага цэнтра прававой iнфармацыi.

У лiку асноўных задач НЦПI — фармiраванне i вядзенне адзiнага эталоннага банка даных прававой iнфармацыi, стварэнне i развiццё дзяржаўнай сiстэмы прававой iнфармацыi, каардынацыя дзейнасцi ў галiне ўкаранення камп’ютарных сiстэм i банкаў даных прававой iнфармацыi, а таксама распаўсюджванне прававой iнфармацыi, удзел у падрыхтоўцы праектаў законаў i iншых прававых актаў, правядзенне навуковых даследаванняў у галiне прававой iнфарматызацыi, забеспячэнне мiждзяржаўнага абмену прававой iнфармацыяй.

Сярод функцый НЦПI — забеспячэнне вядзення Нацыянальнага рэестра прававых актаў Рэспублiкi Беларусь i ажыццяўленне яго афiцыйнага выдання, фармiраванне адзiнага эталоннага банка даных прававой iнфармацыi па заканадаўстве Беларусi на папяровых i электронных (магнiтных) носьбiтах, фармiраванне i вядзенне камп’ютарнага банка даных праектаў законаў, стварэнне рэгiянальных цэнтраў прававой iнфармацыi, ажыццяўленне фармiравання i вядзення базы даных мiжнародных дагавораў Рэспублiкi Беларусь i iнш.


Вернуться в список статей


На главнуюКарта сайтаКонтактыEnglish
 Поиск по сайту 
   
 Быстрый переход 

Кинофильм о НЦПИ

Подписка на Национальный реестр правовых актов

Национальный правовой Интернет-портал Республики Беларусь

Правовой форум Беларуси

Детский правовой сайт

Журнал Право.by

Подписка на журнал Правобай

НЦПИ вTwitter

Видеоканал НЦПИ на YouTube

Страница Pravo,by ВКонтакте

Pravo.by in Facebook

Страница Pravo.by в Одноклассниках

Многоязычный словарь юридических терминов

РЦПИ Минской области

Интернет-магазин РЦПИ Минской области

Акция 3+2 на 2017 год

Акция «Все включено»

Зарубежное законодательство

ИПС «ЭТАЛОН-СТАНДАРТ»



 Наши счетчики 

 

© Национальный центр правовой информации Республики Беларусь, 1998-2017
Адрес: Республика Беларусь, 220030, г. Минск, ул. Берсона, 1а.
тел. факс 375-17-2799909; e-mail: sales@ncpi.gov.by
Дизайн сайта основан на разработке
Pixelhead