• VK
  • odnoklassniki
  • Facebook
  • Twitter
  • Youtube
  • Telegram
  • viber

Нацыянальны рэестр прававых актаў Рэспублікі Беларусь

Нацыянальны рэестр прававых актаў Рэспублікі Беларусь – сістэма ўліку прававых актаў Рэспублікі Беларусь.

Вядзенне Нацыянальнага рэестра ажыццяўляецца ў адпаведнасці з Указам Прэзідэнта Рэспублікі Беларусь ад 20 ліпеня 1998 г. № 369 «Аб Нацыянальным рэестры прававых актаў Рэспублікі Беларусь».

Нацыянальны рэестр вядзецца ў мэтах:

  • забеспячэння адзінай сістэмы заканадаўства Рэспублікі Беларусь;
  • стварэння эталоннага банка дадзеных прававой інфармацыі і камплектавання фонду прававых актаў Рэспублікі Беларусь, падтрымання іх у кантрольным стане на папяровых носьбітах і ў электроннай форме;
  • забеспячэння своечасовага інфармавання дзяржаўных органаў, іншых арганізацый і фізічных асоб аб заканадаўстве Рэспублікі Беларусь;
  • ажыццяўлення міждзяржаўнага абмену прававой інфармацыяй.

Уключэнню ў Нацыянальны рэестр падлягаюць:

  • Канстытуцыя Рэспублікі Беларусь;
  • рашэнні, прынятыя рэспубліканскім рэферэндумам;
  • дэкрэты, указы, распараджэнні Прэзідэнта Рэспублікі Беларусь;
  • законы Рэспублікі Беларусь;
  • міжнародныя дагаворы Рэспублікі Беларусь;
  • пастановы Палаты прадстаўнікоў Нацыянальнага сходу Рэспублікі Беларусь;
  • пастановы Савета Рэспублікі Нацыянальнага сходу Рэспублікі Беларусь;
  • пастановы Савета Міністраў Рэспублікі Беларусь;
  • распараджэння Прэм'ер-міністра Рэспублікі Беларусь;
  • заключэнні і рашэнні Канстытуцыйнага Суда, за выключэннем запытаў, патрабаванняў і іншых рашэнняў працэдурнага характару;
  • пастановы Пленума Вярхоўнага Суда па пытаннях прымянення заканадаўства Рэспублікі Беларусь, якія ўзнікаюць пры разглядзе судовых спраў;
  • прававыя акты Адміністрацыі Прэзідэнта Рэспублікі Беларусь, калі іншае не прадугледжана Кіраўніком Адміністрацыі Прэзідэнта Рэспублікі Беларусь;
  • нарматыўныя прававыя акты Камітэта дзяржаўнага кантролю, Следчага камітэта, Дзяржаўнага камітэта судовых экспертыз, кіраўніцтва справамі Прэзідэнта Рэспублікі Беларусь, іншых дзяржаўных органаў, непасрэдна падпарадкаваных (падсправаздачных) Прэзідэнта Рэспублікі Беларусь;
  • нарматыўныя прававыя акты Нацыянальнага банка, Нацыянальнай акадэміі навук Беларусі, міністэрстваў, іншых рэспубліканскіх органаў дзяржаўнага кіравання;
  • нарматыўныя прававыя акты абласных, Мінскага гарадскога Саветаў дэпутатаў, аблвыканкамаў, Мінскага гарвыканкама, мясцовых Саветаў дэпутатаў, выканаўчых і распарадчых органаў базавага тэрытарыяльнага ўзроўню;
  • рашэнні, прынятыя абласным, Мінскім гарадскім, раённым, гарадскім (гарадоў абласнога падпарадкавання) рэферэндумам;
  • тэхнічныя нарматыўныя прававыя акты1, якія з'яўляюцца ў адпаведнасці з заканадаўчымі актамі і пастановамі Савета Міністраў Рэспублікі Беларусь абавязковымі для выканання юрыдычнымі асобамі і індывідуальнымі прадпрымальнікамі;
  • іншыя прававыя акты Рэспублікі Беларусь, якія з'яўляюцца нарматыўнымі.

    1 - За выключэннем тэхнічных нарматыўных прававых актаў, якія зацвярджаюцца юрыдычнымі асобамі і індывідуальнымі прадпрымальнікамі.

Пачынаючы з 1 ліпеня 2012 г. адзінай крыніцай афіцыйнага апублікавання прававых актаў стаў Нацыянальны прававы Інтэрнэт-партал Рэспублікі Беларусь – асноўны дзяржаўны інфармацыйна-прававы інтэрнэт-рэсурс у вобласці права і прававой інфарматызацыі. 

Такім чынам, афіцыйным апублікаваннем прававых актаў з'яўляецца давядзенне гэтых прававых актаў да ўсеагульнага ведама шляхам размяшчэння іх тэкстаў на Нацыянальным прававым Інтэрнэт-партале Рэспублікі Беларусь (www.pravo.by). Датай афіцыйнага апублікавання прававога акта будзе лічыцца дата яго размяшчэння на партале, які згодна з Дэкрэтам стане адзінай крыніцай афіцыйнага апублікавання прававых актаў. 

Акрамя таго, прававыя акты будуць публікавацца ў зборніку прававых актаў «Нацыянальны рэестр прававых актаў Рэспублікі Беларусь», выпуск якога ўскладзены на Нацыянальны цэнтр прававой інфармацыі Рэспублікі Беларусь. Зборнік прававых актаў можа распаўсюджвацца (прадастаўляцца) па заяўках арганізацый і грамадзян, па падпісцы, праз гандлёвую сетку або іншымі, не забароненымі заканадаўствам спосабамі.

Падзяліцца ў сац. сетках

Pravo.by
Эталон ONLINE
Правовой форум
mir.pravo.by
Подняться наверх