• VK
  • odnoklassniki
  • Facebook
  • Twitter
  • Youtube
  • Telegram
  • viber

Адбыўся круглы стол «Электроннае афіцыйнае апублікаванне нарматыўных прававых актаў у Рэспубліцы Беларусь: гісторыя і перспектывы»

25 жніўня 2017 г. у Нацыянальным цэнтры прававой інфармацыі Рэспублікі Беларусь (г. Мінск) адбыўся міжнародны навукова-практычны круглы стол «Электроннае афіцыйнае апублікаванне нарматыўных прававых актаў у Рэспубліцы Беларусь: гісторыя і перспектывы».

Мерапрыемства прымеркавана да 5-годдзя электроннага афіцыйнага апублікавання нарматыўных прававых актаў на Нацыянальным прававым Інтэрнэт-партале Рэспублікі Беларусь. У круглым стале ўзялі ўдзел навукоўцы і практыкі з Расійскай Федэрацыі, Малдовы, Казахстана, Рэспублікі Беларусь.

З прывітальным словам да чальцоў круглага стала звярнуўся Каваленка Яўген Іосіфавіч, дырэктар Нацыянальнага цэнтра прававой інфармацыі Рэспублікі Беларусь. З відэазваротам да ўдзельнікаў мерапрыемства звярнуўся Вяршынін Аляксандр Паўлавіч, генеральны дырэктар Прэзідэнцкай бібліятэкі імя Б.М.Ельцына, падкрэсліўшы значнасць інстытута афіцыйнага апублікавання прававых актаў і правядзення такога мерапрыемства.

Сістэма афіцыйнага апублікавання прававых актаў у гістарычна-прававым аспекце была прадстаўлена ў дакладзе Шаршуна Віктара Аляксандравіча, намесніка дырэктара НЦПІ.

Аб забеспячэнні якасці нарматворчасці на муніцыпальным узроўні расказала Рагавая Анастасія Уладзіміраўна, начальнік навукова-даследчага аддзела ФБУ НЦПІ пры Міністэрстве юстыцыі Расійскай Федэрацыі.

Працэдуру афіцыйнага апублікавання нарматыўных прававых актаў у Дзяржаўным рэгістры прававых актаў Рэспублікі Малдова патлумачыў Брагой Канстанцін Анатолевіч, дырэктар Цэнтра прававой інфармацыі пры Міністэрстве юстыцыі Рэспублікі Малдова.

Аб навэлах у прававым рэгуляванні нарматворчай дзейнасці ў кантэксце праекта Закона Рэспублікі Беларусь «Аб нарматыўных прававых актах» паведаміла Чубкавец Святлана Мікалаеўна, начальнік аддзела сістэматызацыі заканадаўства ўпраўлення канстытуцыйнага і міжнароднага права Нацыянальнага цэнтра заканадаўства і прававых даследаванняў.

Пытанні павышэння культуры апублікавання і ўвядзення ў дзеянне нарматыўных прававых актаў былі разгледжаны ў дакладзе Васілевіча Рыгора Аляксеевіча, загадчыка кафедры канстытуцыйнага права юрыдычнага факультэта Беларускага дзяржаўнага ўніверсітэта.

Аб інфармацыйным мадэляванні прававой сістэмы ў суб’ектным і інструментальным падыходах расказаў загадчык кафедры тэорыі і гісторыі дзяржавы і права юрыдычнага факультэта Беларускага дзяржаўнага ўніверсітэта Калінін Сяргей Артуравіч.

Парфенчык Антон Анатольевіч, навуковы супрацоўнік Цэнтра даследаванняў дзяржаўнага кіравання НДІ тэорыі і практыкі дзяржаўнага кіравання Акадэміі кіравання пры Прэзідэнце Рэспублікі Беларусь, праінфармаваў удзельнікаў аб пашырэнні магчымасцей дактрынальнага тлумачэння права пры дапамозе інфармацыйных тэхналогій.

25 Августа 2017Г.
Спортивное право
Pravo.by
Эталон ONLINE
Правовой форум
Подняться наверх